·.¸¸.·´´منتديات البيت الكبير big house`··.¸¸.·

·.¸¸.·´´منتديات البيت الكبير big house`··.¸¸.·


 
الرئيسيةmusاليوميةمكتبة الصوربحـثالتسجيلدخول

شاطر | 
 

 اجفتوا كل الكبب (بتيتة جاب,حلب,البرغل,النابلسية,الجريش,كبة حامض)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
لبنى
مشرفة منتدى المواضيع العامة
avatar

انثى
عدد الرسائل : 2142
العمر : 29
البلد : العراق
تاريخ التسجيل : 10/08/2008

مُساهمةموضوع: اجفتوا كل الكبب (بتيتة جاب,حلب,البرغل,النابلسية,الجريش,كبة حامض)   الثلاثاء يوليو 19, 2011 4:48 am


نبدي بسم الله



كبة البتيتة جاب لعيون بغدادية
المواد اللي تحتاجوهن بتيتة ونشا وملح وطبعا الحشوة اللي هي عبارة عن لحم مفروم وبصل السر اللي يخليها متتفلش عدكم انوا انتوا تسلكون البتيتة قبل بيوم تسلكوها كامل وحطوها بالثلاجة بصحن ناشف ولاتغطوه وورى يوم تعالوا ابرشوها وحطولها نشا تصير تخبل ولاترقون العجينة كلش هي طيبة من تكون شوية بيها ثخن واترككم ويا الصور
ومقدار النشا مثلا اذا كيلوا بتيتة 3 ملاعق كبار نشا




اني اكور المقدار كله حتى لاتطلع وحدة جبيرة ووحدة صغيرة وللسرعة همين








كبة حلب او كبة التمن
مواد العجينة

تمن مطبوخ, بيضة , بطاطا وحدة وملح وتعجنوهن سوة وحاولوا من تطبخون التمن لاتخلوه يلين كلش لان صعب يصير باللف انتوا خلوه مي بس شوووووية كلش اكثر عن تمنكم العادي اللي تاكلوه لان البتيتة هي راح تخليه بيه شوية هشاشة
ولفوها وحاولوا ترقون جوانبها لان كلش طيبة تصير ومن تكلوها لازم بزيت غزييييييير وبالبداية حموه الزيت زين وحطوا الكبة وثواني على نار عالية وبعدها نزلوا النار ولاتكلبوها ولاتحركوها الى ان تشوفوها تحمرت
وهسه للصور





















كبة البرغل
مواد العجينة
برغل ,وبكف الايد تمن منقوع ,بيضة,ملح



حضروا كاسة برغل وبكف ايدكم تمن وغسلوه مرتين 3 بمي بارد وبعدها للجدر ووياه مي وكمون وتعاملوا وياه مثل من تسوون كبة التمن يعني ينشف مية وتهدروه ومن يبرد ضيفوله البيضة بس راح تحتاجون ست البيت حتى العجينة تطلع حلوة وملزلزة
وبعدها حشوها وكلوها
وهاي الصور














هاي اللي لونها اطوخ الكبة النابلسية وهسه راح اشرحها بس اللي لونها فاتح هي كبة البرغل تخبل وطعمها طيب ومقرمشة



النابلسية

هي شوية شغلها طويل بس نتيجتها تحفة وطعمها روعة تستاهل التعب
مواد العجينة
350 غرام برغل ,350 لحم شرح خالي,بصلاية صغيرة ,1ونص ملعقة صغيرة ملح
1 م ص بهار حلو ,ربع ملعقة صغيرة فلفل ابيض,ربع ملعقة صغيرة ريحان او نعناع مجفف او مردقوش بكيفكم




[center]للحشوة
بصلاية متوسطة مفرومة ناعم
300 غرام لحم مفروم
1 ملعقة صغيرة بهار حلو
نص ملعقة صغيرة هيل مطحون
ربع ملعقة صغيرة دارسين
نص ملعقة صغيرة فلفل اسود
1 ملعقة كبيرة سماق
مكسرات محمصة ربع كوب
زيت للقلي

بهارات الحشوة



بالبداية اخذوا البرغل واغسلوه بمي بارد فد 3 مرات وصفوه زين وحطوه بكاسة وغلفوها بالنايلون واتركوه ساعة



[center]هسه بين مايتنكع البرغل تعالوا للحشوة
كلوا البصل وضيفوله اللحم المفروم ومن ينشف مية ضيفوا البهارات ماعدا السماق
كلبوها زين وبعدها حطوا السماق والمكسرات اني استخدمت لوز شرايح محمص انتوا بكيفكم واذا ماعدكم مو مشكلة يمشي الحال
خلصت الحشوة اتركوها تبرد


وارجعوا للعجينة راح يكون شغلكم هنا كله بست البيت او مثرامة اللحم
حطوه البصلاية بست البيت ووياها نص كمية البهارات مال العجينة واثرموها بحيث تصير كلش ناعمة



هسه تعالوا للبرغل اخذوه نص الكمية لان كلها تكون ثكيلة على المكينة وضيفوه للبصلاية واثرموه ناعم انتوا شوية راح تشوفوه قاسي بالبداية بس بعد الثرم راح يلين حطوه بكاسة البرغل المفروم وتعالوا للقسم الثاني هم افرموه زين فد مرتين ثلاثة كلما هواي كلما احسن
بعدين فرغوا ست البيت وجيبوا اللحم وافرموه وحطوه وياه بعد الفرم نص كمية البرغل وشغلوا ست البيت



هسه تعالوا اخبطوا اللحم والبرغل المفرومين وويا القسم الثاني من البرغل بايدكم اعجنوا تقريبا 6 او سبع دقايق وضيفوله الباقي من البهارات وربع كوب مي باااااااارد

وورى متخلصون هم ارجعوا لست البيت وافرموه هم مرتين 3 حتى يصير نااااااااعم بحيث مكوناته كلها تختفي ويصير عجينة

بعدين غلفوها وللثلاجة تكعد شي نص ساعة وبعدها تعالوا لفوها وراح تحتاجون للف مي بار ووياه ثلج اذا شفتوا العجينة وانتوا جاي تلفون تشققت لاتخافون امسحوها بمي بارد وهي شكلها يرجع
هاي الصورة بالخطوات بلكت تكون واضحة لان قسم من البنات سألوني شلون تكون شكلهاطويلة

واعذروني حبايب لان بعدني مبتدئة بالفوتو

واذا تحبون تشوها
حضروا بايركس مدهون بزبدة وافرشوا طبقة من العجينة وبعدها الحشوة وبعدها العجينة بعد مترقوها بين طبقتين نايلون بالضبط شلون من نتعامل ويا كبة الموصل

وكصكصوها بالحجم والشكل اللي تحبوه وللوجه حطوا 2 ملعقة كوب زيت زيتون و2 ملعقة كوب زيت
ودخلوها الفرن تبقى تقريبا 15 دقيقة بالرف الوسط وبعدها شيلوها لاعلى رف بالفرن بين ماتشوفون لونها تغيير يعني استوت
وهاي الخطوة ماصورتها الكم اعذروني


طبعا تخبل وطعمها رووووووووووعة لايعلى عليه
[center]كبة الجريش
جريش اني استخدمت كوبين
برغل واستخدمت منه كوب واحد
كمون مطحون
فلفل أسود
ملح
ماء دافئ


للحشوة
لحم مفروم
بصل
(لوز مسلوق ومقشر وكشمش او البعض منا يسموه الزبيب ) وهذا بالطبع أختياري
ملح
فلفل أسود
كمون
هيل مطحون


طريقة العمل


بالبداية لازمنا نحضر العجينة وهي كالاتي
نخلط الكل اقصد الجريش والبرغل والملح والبهار معا وابدأ أضيف الهم مي دافي الصراحة ماكو مقياس عندي عيني ميزاني وأضافة المي يكون تدريجيا يعني أضيف كوب واخلطه واغطيه وارجع بعد فترة قليلة اقلبه وهم احط مي بس طبعا مو كوب واعجن واتركها وهكذا مرات الى ان الاحظ العجينة تبدي تتشكل عندي يعني تكون سهلة بالتعامل بس مو لينة ورأي كلما كانت العجينة بيها نوع من القوة كلما كان أحسن اتمنى انوا اكون وصلت الفكرة حبايب
اتركها جانب وهذا شكلها
واحيانا من تزود عندي عجينة احتفظ بيها بالفريز وارجع استخدمها وقت الحاجة
هسه نجي للحشوة وهي عادية يعني نثرم البصل ونحمسه بشوية زيت وبعدها أضيف البهارات واحمسه شوي وبعدها اللحم ومن يتغير لونه وينشف ميه ابعده عن الطباخ واضيفله اللوز المقشر المسلوقوالكشمش واضيف الهيل المطحون واقلبه واغطيه الهيل ينطيه طعم ورائحة زاكية جدا
وهاي صورة الحشوة

بعد ان تبرد الحشوة ابدئ بلف الكبة طبعا قسم من البنات ممكن الكبة تنفل عدهم بالسلق اكو نصيحة قدمتلياها خالتي وهي انوا لازم من افتح العجينة تكون خفيفة وابدي احط الحشوة بداخلها واحاول ارصها من اسدها اقصد افرغها من الهوى مااترك مجال بعملية الغلق حتى اكون مطمئنة من اسلقها

وهسه نسلقها بمي مضاف اله حبات هيل وورق غار وملح

وهذا المقدار بعد السلق

اترككم ويا الصور










كبة الحامض
مواد العجينة

طحين تمن , مقدار كف جريش , بهارات برياني,ملح حسب الرغبة
هسه تعالوا اخبطوهن سوة واعجنوهن بمي العجينة شوية راح تكون قاسية نوعا ما افتحوها وحشوها واكيد الكل تعرف الشوربة مالتها
حجة خخخ اريد افلت لان متت من العتب
وماصورت الخطوات كاملة اعذروني حبايب بس حطيتلكم النتيجة النهائية



والف عافية


[/center]
[/center]
[/center]

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
abdalrhman
العضو الذهبي
avatar

ذكر
عدد الرسائل : 359
العمر : 45
البلد : العراق
تاريخ التسجيل : 30/03/2010

مُساهمةموضوع: رد: اجفتوا كل الكبب (بتيتة جاب,حلب,البرغل,النابلسية,الجريش,كبة حامض)   الإثنين أغسطس 01, 2011 4:33 am

اوووووووووووووووف

عفيه على مطبخ هم بالمنتدى متستغنين عنه

الله يساعدج

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نوسه 2008
مشرفة منتدى الافلام والصور
avatar

انثى
عدد الرسائل : 521
العمر : 30
البلد : البحرين
تاريخ التسجيل : 24/06/2008

مُساهمةموضوع: رد: اجفتوا كل الكبب (بتيتة جاب,حلب,البرغل,النابلسية,الجريش,كبة حامض)   الثلاثاء أغسطس 02, 2011 5:43 am

تسلمين عزيزتي لبنى

دائما متميزة في مواضيعك



_________________




السلام عليكم ورحمة الله وبركاته
نعود من جديد ومع استراحة جديدة
نلبس معها ثوب المحبة والأخوة
ليكن الرقي عنوانا
ويدا بيد شعارنا
ولنجعل الاستراحة مملكة الجميع
نعبر فيها عن أحاسيسنا
نسجل حضورنا وغيابنا
نسطر ما نشعر به بعيدا عن الروتين في يومياتنا
ولنلتقي لنرتقي
فأهلا وسهلا بكم
أعضاء وزوار
لكم مني كل المحبة والاحترام
مع تحياتي
نوسه 2008
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نريمان
مشرفة منتدى الحب والغرام والرومانسية
مشرفة منتدى الحب والغرام والرومانسية
avatar

انثى
عدد الرسائل : 344
العمر : 25
البلد : العراق
تاريخ التسجيل : 27/06/2011

مُساهمةموضوع: رد: اجفتوا كل الكبب (بتيتة جاب,حلب,البرغل,النابلسية,الجريش,كبة حامض)   الثلاثاء أغسطس 02, 2011 9:05 pm

يسلمو لبنى عاشت ايدج على الموضوع المميز

_________________
_________________ الــــــتــــــوقـــــــيـــــــع _______________






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اجفتوا كل الكبب (بتيتة جاب,حلب,البرغل,النابلسية,الجريش,كبة حامض)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» احمرار العين وعلاجه
» (( النزيف ــ من الأنف والأذن والفم ))
» - التواء رسغ اليد :
» صداع الرأس انواعه علاجه أسبابه نصائح
» وفاة داودي عبد الحي با تبلكوزة

صلاحيات هذا المنتدى:لاتستطيع الرد على المواضيع في هذا المنتدى
·.¸¸.·´´منتديات البيت الكبير big house`··.¸¸.·  :: منتدى التغذية والطبخ-
انتقل الى: